Galicia acolle a primeira edición do Programa #OlympeEmprende

• Xa está aberta a inscrición para a primeira edición do programa Olympe Emprende!

O Programa #OlympeEmprende liderado por Tandem Social, Abeluria e Wazo Coop é unha iniciativa que apoiará o emprendemento feminino con valores e principios de economía social e solidaria en Galicia a través de formación con perspectiva de xénero, apoio individual e colectivo e conexión de experiencias emprendedoras a nivel local.

O programa #OlympeEmprende pretende honrar a memoria de Olympe de Gouges, unha revolucionaria esquecida. Defendeu a igualdade entre homes e mulleres en todos os aspectos da vida pública e privada e en 1791 escribiu a Declaración dos dereitos das mulleres e das cidadás. O proxecto quere ser un compromiso coa igualdade promovendo a creación dun programa que apoie a creación de novas cooperativas lideradas por mulleres que promovan a transformación. 

O Programa #OlympeEmprende seleccionará iniciativas de Galicia, unha rexión con gran potencial na economía social e no emprendemento feminino. #OlympeEmprende está dirixido a todas aquelas iniciativas emprendedoras en Galicia lideradas por mulleres asentadas no territorio, que practican a intercooperación, garanten a democracia interna, incorporan a economía e o coidado feminista nas súas prácticas, promoven a diversidade na composición e participación e teñen en conta o impacto ambiental da súa actividade. En definitiva, proxectos que poñan ás persoas no centro da súa actividade.

Quen pode participar?

 Este programa está dirixido a mulleres emprendedoras con proxectos que buscan un impacto positivo en Galicia e que aspiran a curto ou medio prazo á creación dun proxecto colectivo con impacto no territorio. 

O programa cobra especial relevancia e interese pola situación actual causada pola COVID19 na que moitas mulleres potencialmente emprendedoras volven ter que asumir maiores cargas no coidado de nenos ou anciáns. O programa pode ser para elas o apoio necesario e esencial para dar o paso adiante cara ao emprendemento na economía social. 

O programa Olympe Emprende créase para acompañar ás mulleres na promoción das súas iniciativas, creando un contexto ideal no que maximizar a súa sustentabilidade social e económica, ao tempo que mellora as súas habilidades emprendedoras.

Que ofrecemos?

• Itinerarios formativos presenciais e en liña onde as participantes poderán experimentar e validar as súas ideas empresariais de economía social e solidaria antes de lanzarse ao mercado.
• Sesións de apoio en grupo para compartir o progreso do proxecto e xerar redes de coidado e apoio.
• Sesións de acompañamento individual a nivel territorial, competencial e estratéxico.
• Oportunidades para traballar en rede e xerar sinerxías con outros proxectos a través de seminarios web e xiras de emprendemento feminino.
• Premios por un importe máximo de 3.000 € para a constitución de proxectos cooperativos.

Cando?

Estas son as datas clave do programa:

• Prazo de inscrición: ata o 4 de xuño de 2021.
• Proceso de selección: durante xuño de 2021.
• Duración do programa: desde finais de xuño de 2021 ata principios de decembro de 2021.

Como inscribirse a Olympe Emprende? 

Para participar no programa hai que cumprimentar o formulario de inscrición do programa. Podes ver as condicións de participación de Olympe Emprende aquí.

É importante ter en conta que cada solicitude de participación, se está seleccionada, só dá dereito a unha persoa a participar no programa. No caso de que queiran participar varias persoas do mesmo equipo de emprendemento, todas e cada unha delas deberán presentar a súa candidatura. 

Se tes unha idea de proxecto colectivo que aposta pola sustentabilidade, animámoste a participar. Esperámosche!

Vías de contacto olympeemprende@tandemsocial.coop e por teléfono 661 54 90 06 / 636792073